(2) ב

א לָמָּה רָגְשׁוּ גוֹיִם וּלְאֻמִּים יֶהְגּוּ רִיק
LAMA RAGSHU GOYIM ULEUMIM YEHGU RIK:

ב יִתְיַצְּבוּ מַלְכֵי אֶרֶץ וְרוֹזְנִים נוֹסְדוּ יָחַד עַל יְהוָה וְעַל מְשִׁיחוֹ
YITYATZVU MALJE ERETZ VEROZNIM NOSDU YAJAD AL HASHEM VEAL MESHIJO:

ג נְנַתְּקָה אֶת מוֹסְרוֹתֵימוֹ וְנַשְׁלִיכָה מִמֶּנּוּ עֲבֹתֵימוֹ
NENATEKAH ET MOSROTEIMO VENASHLIJA MIMENU AVOTEIMO:

ד יוֹשֵׁב בַּשָּׁמַיִם יִשְׂחָק אֲדֹנָי יִלְעַג לָמוֹ
YOSHEV BASHAMAYIM YIS’JAK, ADONAI YIL’AG LAMO:

ה אָז יְדַבֵּר אֵלֵימוֹ בְאַפּוֹ וּבַחֲרוֹנוֹ יְבַהֲלֵמוֹ
AZ YEDABER ELEMO VE’APO UVAJARONO YEVAHALMO:

ו וַאֲנִי נָסַכְתִּי מַלְכִּי עַל צִיּוֹן הַר קָדְשִׁי
VA’ANI NASAJTI MALKI AL TZION HAR KADSHI:

ז אֲסַפְּרָה אֶל חֹק יְהוָה אָמַר אֵלַי בְּנִי אַתָּה אֲנִי הַיּוֹם יְלִדְתִּיךָ
ASAPRA EL JOK, HASHEM AMAR ELAY: BENI ATA, ANI HAYOM YELID’TIJA:

ח שְׁאַל מִמֶּנִּי וְאֶתְּנָה גוֹיִם נַחֲלָתֶךָ וַאֲחֻזָּתְךָ אַפְסֵי אָרֶץ
SHE’AL MIMENI VEETENA GOYIM NAJALATEJA VAAJUZATEJA AFSE ARETZ:

ט תְּרֹעֵם בְּשֵׁבֶט בַּרְזֶל כִּכְלִי יוֹצֵר תְּנַפְּצֵם
TEROEM VESHEVET BARZEL, KIJLI YOTZER TENAPETZEM:

י וְעַתָּה מְלָכִים הַשְׂכִּילוּ הִוָּסְרוּ שֹׁפְטֵי אָרֶץ
VEATA MELAJIM HASKILU, HIVASRU SHOFTE ARETZ:

יא עִבְדוּ אֶת יְהוָה בְּיִרְאָה וְגִילוּ בִּרְעָדָה
IVDU ET HASHEM BEYIRA VE’GILU BIR’ADAH:

יב נַשְּׁקוּ בַר פֶּן יֶאֱנַף וְתֹאבְדוּ דֶרֶךְ כִּי יִבְעַר כִּמְעַט אַפּוֹ אַשְׁרֵי כָּל חוֹסֵי בּוֹ
NASHE’KU VAR PEN YE’ENAF VETO’VDU DEREJ KI YIV’AR KIM’AT APO, ASHRE KOL JOSE BO: