(18) יח

א לַמְנַצֵּחַ לְעֶבֶד יְהוָה לְדָוִד אֲשֶׁר דִּבֶּר לַיהוָה אֶת דִּבְרֵי הַשִּׁירָה הַזֹּאת בְּיוֹם הִצִּיל יְהוָה אוֹתוֹ מִכַּף כָּל אֹיְבָיו וּמִיַּד שָׁאוּל
LAMNATZEAJ LE’EVED HASHEM LEDAVID, ASHER DIBER LAHASHEM ET DIVRE HASHIRA HAZOT, BEYOM HITZIL HASHEM OTO MI’KAF KOL OYEVAV U’MIYAD SHAUL

ב וַיֹּאמַר אֶרְחָמְךָ יְהוָה חִזְקִי
VA’YOMAR, ERJAMEJA HASHEM JIZKI

ג יְהוָה סַלְעִי וּמְצוּדָתִי וּמְפַלְטִי אֱלִי צוּרִי אֶחֱסֶה בּוֹ מָגִנִּי וְקֶרֶן יִשְׁעִי מִשְׂגַּבִּי
HASHEM SALI UMTZUDATI U’MFALTI, ELI TZURI EJESE BO; MAGINI VE’KEREN YISHI MISGABI

ד מְהֻלָּל אֶקְרָא יְהוָה וּמִן אֹיְבַי אִוָּשֵׁעַ
MEHULAL EKRA HASHEM, U’MIN OYEVAI IVASHEA:

ה אֲפָפוּנִי חֶבְלֵי מָוֶת וְנַחֲלֵי בְלִיַּעַל יְבַעֲתוּנִי
AFAFUNI JEVLE MAVET, VE’NAJALE VELIYA’AL YEVAATUNI

ו חֶבְלֵי שְׁאוֹל סְבָבוּנִי קִדְּמוּנִי מוֹקְשֵׁי מָוֶת
JEVLE SHEOL SEVAVUNI, KIDE’MUNI MOKESHE MAVET:

ז בַּצַּר לִי אֶקְרָא יְהוָה וְאֶל אֱלֹהַי אֲשַׁוֵּעַ יִשְׁמַע מֵהֵיכָלוֹ קוֹלִי וְשַׁוְעָתִי לְפָנָיו תָּבוֹא בְּאָזְנָיו
BATZAR LI EKRA HASHEM, VE’EL ELOHAI ASHAVE’A; YISHMA MEHEJALO KOLI, VESHAVATI LEFANAV TAVO BE’OZNAV

ח וַתִּגְעַשׁ וַתִּרְעַשׁ הָאָרֶץ וּמוֹסְדֵי הָרִים יִרְגָּזוּ וַיִּתְגָּעֲשׁוּ כִּי חָרָה לוֹ
VATIGASH VATIRASH HAARETZ, UMOSEDE HARIM YIRGAZU VA’YITGA’ASHU KI JARA LO:

ט עָלָה עָשָׁן בְּאַפּוֹ וְאֵשׁ מִפִּיו תֹּאכֵל גֶּחָלִים בָּעֲרוּ מִמֶּנּוּ
ALA ASHAN BE’APO, VE’ESH MIPI TO’JEL, GEJALIM BA’ARU MIMENU

י וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו
VA’YET SHAMAYIM VA’YERAD, VA’ARAFEL TAJAT RAGLAV

יא וַיִּרְכַּב עַל כְּרוּב וַיָּעֹף וַיֵּדֶא עַל כַּנְפֵי רוּחַ
VA’YIRKAV AL KERUV VA’YAOF, VA’YEDE AL KANFE RUAJ:

יב יָשֶׁת חֹשֶׁךְ סִתְרוֹ סְבִיבוֹתָיו סֻכָּתוֹ חֶשְׁכַת מַיִם עָבֵי שְׁחָקִים
YASHET JOSHEJ SITRO, SEVIVOTAV SUKATO, JESHJAT MAYIM AVE SHEJAKIM

יג מִנֹּגַהּ נֶגְדּוֹ עָבָיו עָבְרוּ בָּרָד וְגַחֲלֵי אֵשׁ
MINOGA NEGDO, AVAV AVERU, BARAD VE’GAJALE ESH:

יד וַיָּרְעֵם בַּשָּׁמַיִם יְהוָה וְעֶלְיוֹן יִתֵּן קוֹלוֹ בָּרָד וְגַחֲלֵי אֵשׁ
VAYAREM BA’SHAMAYIM HASHEM, VE’ELYON YITEN KOLO, BARAD VE’GAJALE ESH:

טו וַיִּשְׁלַח חִצָּיו וַיְפִיצֵם וּבְרָקִים רָב וַיְהֻמֵּם
VA’YISHLAJ JITZAV VA’YFITZEM, U’BRAKIM RAV VA’YHUMEM

טז וַיֵּרָאוּ אֲפִיקֵי מַיִם וַיִּגָּלוּ מוֹסְדוֹת תֵּבֵל מִגַּעֲרָתְךָ יְהוָה מִנִּשְׁמַת רוּחַ אַפֶּךָ
VA’YERAU AFIKE MAYIM, VA’YIGALU MOSEDOT TEVEL, MIGA’ARATEJA HASHEM, MINISHMAT RUAJ APEJA:

יז יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים
YISHLAJ MIMAROM YIKAJENI, YAMSHENI MIMAYIM RABIM:

יח יַצִּילֵנִי מֵאֹיְבִי עָז מִשֹּׂנְאַי כִּי אָמְצוּ מִמֶּנִּי
YATZILENI ME’OYEVAY AZ, MI’SONEA KI AMETZU MIMENI

יט יְקַדְּמוּנִי בְּיוֹם אֵידִי וַיְהִי יְהוָה לְמִשְׁעָן לִי
YEKADEMUNI BE’YOM EDI, VA’YHI HASHEM LEMISHAN LI:

כ וַיּוֹצִיאֵנִי לַמֶּרְחָב יְחַלְּצֵנִי כִּי חָפֵץ בִּי
VA’YOTZIENI LA’MERJAV, YEJALETZENI, KI JAFETZ BI:

כא יִגְמְלֵנִי יְהוָה כְּצִדְקִי כְּבֹר יָדַי יָשִׁיב לִי
YIG’MELENI HASHEM KE’TZIDKI, KE’BOR YADAI YASHIV LI:

כב כִּי שָׁמַרְתִּי דַּרְכֵי יְהוָה וְלֹא רָשַׁעְתִּי מֵאֱלֹהָי
KI SHAMARTI DARJE HASHEM, VE’LO RASHATI ME’ELOHAI:

כג כִּי כָל מִשְׁפָּטָיו לְנֶגְדִּי וְחֻקֹּתָיו לֹא אָסִיר מֶנִּי
KI KOL MISHPATAV LENEGDI, VE’JUKOTAV LO ASIR MENI:

כד וָאֱהִי תָמִים עִמּוֹ וָאֶשְׁתַּמֵּר מֵעֲו‍ֹנִי
VA’EHI TAMIM IMO, VA’ESHTAMER ME’AVONI:

כה וַיָּשֶׁב יְהוָה לִי כְצִדְקִי כְּבֹר יָדַי לְנֶגֶד עֵינָיו
VA’YASHEV HASHEM LI JE’TZIDKI, KE’BOR YADAI LE’NEGED ENAV:

כו עִם חָסִיד תִּתְחַסָּד עִם גְּבַר תָּמִים תִּתַּמָּם
IM JASID TIT’JASAD, IM GEVAR TAMIM TITAMAM:

כז עִם נָבָר תִּתְבָּרָר וְעִם עִקֵּשׁ תִּתְפַּתָּל
IM NAVAR TITBARAR, VE’IM IKESH TITPATAL:

כח כִּי אַתָּה עַם עָנִי תּוֹשִׁיעַ וְעֵינַיִם רָמוֹת תַּשְׁפִּיל
KI ATA AM ANI TOSHI’A, VE’ENAYIM RAMOT TASH’PIL:

כט כִּי אַתָּה תָּאִיר נֵרִי יְהוָה אֱלֹהַי יַגִּיהַּ חָשְׁכִּי
KI ATA TA’IR NERI, HASHEM ELOHAI YAGIHA JASHKI:

ל כִּי בְךָ אָרוּץ גְּדוּד וּבֵאלֹהַי אֲדַלֵּג שׁוּר
KI VEJA ARUTZ GEDUD, UVELOHAI ADALEG SHUR:

לא הָאֵל תָּמִים דַּרְכּוֹ אִמְרַת יְהוָה צְרוּפָה מָגֵן הוּא לְכָל הַחֹסִים בּוֹ
HA’EL TAMIM DARKO, IMRAT HASHEM TZERUFA; MAGEN HU LE’JOL HA’JOSIM BO:

לב כִּי מִי אֱלוֹהַּ מִבַּלְעֲדֵי יְהוָה וּמִי צוּר זוּלָתִי אֱלֹהֵינוּ
KI MI ELOHA MIBAL’ADE HASHEM, U’MI TZUR ZULATI ELOHENU:

לג הָאֵל הַמְאַזְּרֵנִי חָיִל וַיִּתֵּן תָּמִים דַּרְכִּי
HA’EL HA’MAZERENI JAYIL, VA’YITEN TAMIM DARKI:

לד מְשַׁוֶּה רַגְלַי כָּאַיָּלוֹת וְעַל בָּמֹתַי יַעֲמִדֵנִי
MESHAVE RAGLAI KA’AYALOT, VE’AL BAMOTAI YA’AMIDENI:

לה מְלַמֵּד יָדַי לַמּלְחָמָה וְנִחַת קֶשֶׁת נְחוּשָׁה זְרוֹעוֹתָי
MELAMED YADAI LAMILJAMA, VE’NIJAT KESHET NEJUSHA ZERO’OTAY:

לו וַתִּתֶּן לִי מָגֵן יִשְׁעֶךָ וִימִינְךָ תִּסְעָדֵנִי וְעַנְוָתְךָ תַרְבֵּנִי
VA’TITEN LI MAGEN YISH’EJA, VIMINEJA TIS’ADENI, VE’ANVATE’JA TARBENI:

לז תַּרְחִיב צַעֲדִי תַחְתָּי וְלֹא מָעֲדוּ קַרְסֻלָּי
TARJIV TZA’ADI TAJTAY, VE’LO MA’ADU KARSULAY:

לח אֶרְדֹּף אוֹיְבַי וְאַשִּׂיגֵם וְלֹא אָשׁוּב עַד כָּלוֹתָם
ERDOF OYEVAY VE’ASIGEM, VE’LO ASHUV AD KALOTAM:

לט אֶמְחָצֵם וְלֹא יוּכְלוּ קוּם יִפְּלוּ תַּחַת רַגְלָי
EM’JATZEM VE’LO YUJELU KUM, YIPELU TAJAT RAGLAY:

מ וַתְּאַזְּרֵנִי חַיִל לַמִּלְחָמָה תַּכְרִיעַ קָמַי תַּחְתָּי
VA’TE’AZERENI JAYIL LA’MILJAMA, TAJRI’A KAMAI TAJTAY:

מא וְאֹיְבַי נָתַתָּה לִּי עֹרֶף וּמְשַׂנְאַי אַצְמִיתֵם
VE’OYEVAI NATATA LI OREF, UMSAN’AY ATZMITEM:

מב יְשַׁוְּעוּ וְאֵין מוֹשִׁיעַ עַל יְהוָה וְלֹא עָנָם
YESHAVEU VE’EN MOSHIA, AL HASHEM VE’LO ANAM:

מג וְאֶשְׁחָקֵם כַּעֲפַר עַל פְּנֵי רוּחַ כְּטִיט חוּצוֹת אֲרִיקֵם
VE’ESH’JAKEM KA’AFAR AL PENE RUAJ, KE’TIT JUTZOT ARIKEM:

מד תְּפַלְּטֵנִי מֵרִיבֵי עָם תְּשִׂימֵנִי לְרֹאשׁ גּוֹיִם עַם לֹא יָדַעְתִּי יַעַבְדוּנִי
TEFALE’TENI MERIVE AM, TESIMENI LE’ROSH GOYIM; AM LO YADATI YA’AVDUNI:

מה לְשֵׁמַע אֹזֶן יִשָּׁמְעוּ לִי בְּנֵי נֵכָר יְכַחֲשׁוּ לִי
LE’SHEMA OZEN YISHAMU LI, BENE NEJAR YEJAJASHU LI:

מו בְּנֵי נֵכָר יִבֹּלוּ וְיַחְרְגוּ מִמִּסְגְּרוֹתֵיהֶם
BENE NEJAR YIBOLU, VEYAJREGU MIMISGEROTEHEM:

מז חַי יְהוָה וּבָרוּךְ צוּרִי וְיָרוּם אֱלֹהֵי יִשְׁעִי
JAI HASHEM U’VARUJ TZURI, VE’YARUM ELOHE YISHI:

מח הָאֵל הַנּוֹתֵן נְקָמוֹת לִי וַיַּדְבֵּר עַמִּים תַּחְתָּי
HA’EL HANOTEN NEKAMOT LI, VA’YADBER AMIM TAJTAY:

מט מְפַלְּטִי מֵאֹיְבָי אַף מִן קָמַי תְּרוֹמְמֵנִי מֵאִישׁ חָמָס תַּצִּילֵנִי
MEFALETI ME’OYEVAY, AF MIN KAMA TEROMEMENI; ME’ISH JAMAS TATZILENI:

נ עַל כֵּן אוֹדְךָ בַגּוֹיִם יְהוָה וּלְשִׁמְךָ אֲזַמֵּרָה
AL KEN ODEJA BA’GOYIM HASHEM, U’LESHIMJA AZAMERAH

נא מַגְדִּיל יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ לְדָוִד וּלְזַרְעוֹ עַד עוֹלָם
MAGDIL YESHU’OT MALKO, VE’OSE JESED LIMSHIJO, LEDAVID ULZARO AD OLAM: