(87) פז

א לִבְנֵי־קֹרַח מִזְמוֹר שִׁיר יְסוּדָתוֹ בְּהַרְרֵי־קֹדֶשׁ
ב אֹהֵב יְהֹוָה שַׁעֲרֵי צִיּוֹן מִכֹּל מִשְׁכְּנוֹת יַעֲקֹב
ג נִכְבָּדוֹת מְדֻבָּר בָּךְ עִיר הָאֱלֹהִים סֶּלָה
ד אַזְכִּיר רַהַב וּבָבֶל לְיוֹדְעָי הִנֵּה פְלֶשֶׁת וְצוֹר עִם־כוּשׁ זֶה יֻלַּד־שָׁם
ה וּלֲצִיּוֹן יֵאָמַר אִישׁ וְאִישׁ יֻלַּד־בָּהּ וְהוּא יְכוֹנֲנֶהָ עֶלְיוֹן
ו יְהֹוָה יִסְפֹּר בִּכְתוֹב עַמִּים זֶה יֻלַּד־שָׁם סֶּלָה
ז וְשָׁרִים כְּחֹלְלִים כָּל־מַעְיָנַי בָּךְ

Termina lectura para: Día 17 del mes