(6) ו

א לַמְנַצֵּחַ בִּנְגִינֹת עַל הַשְּׁמִינִית מִזְמוֹר לְדָוִד
LAMNATZEAJ BINGINOT AL HASHEMINIT MIZMOR LEDAVID:

ב יְהוָה אַל בְּאַפְּךָ תוֹכִיחֵנִי בַחֲמָתְךָ תְיַסְּרֵנִי
HASHEM, AL BE’APEJA TOJI’JENI VAJAMATE’JA TEYASERENI:

ג חָנֵּנִי יְהוָה כִּי אֻמְלַל אָנִי רְפָאֵנִי יְהוָה כִּי נִבְהֲלוּ עֲצָמָי
JA’NENI HASHEM, KI UMLAL ANI; REFA’ENI HASHEM, KI NIVHALU ATZAMAI:

ד וְנַפְשִׁי נִבְהֲלָה מְאֹד וְאַתָּה יְהוָה עַד מָתָי
VE’NAFSHI NIVHALA ME’OD; VE’ATA, HASHEM, AD MATAI:

ה שׁוּבָה יְהוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ
SHUVA HASHEM, JALE’TZA NAFSHI; HOSHI’ENI LEMA’AN JASDEJA:

ו כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה לָּךְ
KI EIN BAMA’VET ZIJREJA; BISH’OL MI YODEH LAJ:

ז יָגַעְתִּי בְּאַנְחָתִי אַשְׂחֶה בְכָל לַיְלָה מִטָּתִי בְּדִמְעָתִי עַרְשִׂי אַמְסֶה
YAGATI VE’ANJATI; AS’JE BEJOL LAILA MITATI, BE’DIM’ATI ARSI AMSE:

ח עָשְׁשָׁה מִכָּעַס עֵינִי עָתְקָה בְּכָל צוֹרְרָי
ASHE’SHA MIKA’AS ENI; ATKA BEJOL TZORERAI:

ט סוּרוּ מִמֶּנִּי כָּל פֹּעֲלֵי אָוֶן כִּי שָׁמַע יְהוָה קוֹל בִּכְיִי
SURU MIMENI KOL PO’ALE AVEN; KI SHAMA HASHEM KOL BIJYI:

י שָׁמַע יְהוָה תְּחִנָּתִי יְהוָה תְּפִלָּתִי יִקָּח
SHAMA HASHEM TEJINATI; HASHEM TEFILATI YIKAJ:

יא יֵבֹשׁוּ וְיִבָּהֲלוּ מְאֹד כָּל אֹיְבָי יָשֻׁבוּ יֵבֹשׁוּ רָגַע
YEVOSHU VE’YIBA’HALU ME’OD, KOL OYEVAY; YASHUVU, YEVOSHU RAGA: